வட்ஸ்அப்புக்கு போட்டியாக X சட் செயலி அறிமுகம்...!

[2026-04-27 23:00:05] Views:[58]

வட்ஸ்அப்புக்கு போட்டியாக Xசட் என்ற சமூக வலைத்தள செயலியை எலான் மஸ்க் அறிமுகம் செய்துள்ளார்.

ஐபோன் பயனர்களுக்காக இந்த எக்ஸ் சட் செயலி தற்போது அறிமுகம் செய்யப்பட்டுள்ளது. குறுஞ்செய்தி சேவைகளுக்காக மட்டும் இந்த எக்ஸ் சட் இருக்கும் என்று அந்த நிறுவனம் தெரிவித்துள்ளது.

எண்ட் டூ எண்ட் என்கிரிப்ஷன் தொழில்நுட்பத்துடன் உருவாக்கப்பட்டுள்ள இந்த மெசேஜ் செயலி பயனர்களின் தனியுரிமையை பாதுகாக்கும் எனவும், பயனர்களின் தனிப்பட்ட உரையாடலை நிறுவனம் உள்பட மூன்றாம் தரப்பால் பயன்படுத்த முடியாது.

விளம்பரங்கள் மற்றும் பயனர்களை கண்காணிக்கும் எந்த டிராக்கிங் அம்சமும் இதில் இருக்காது. தொலைபேசி எண்கள் இல்லாமல் ஏற்கனவே உள்ள எக்ஸ் கணக்கை வைத்தே log in செய்ய முடியும் என்று தெரிவித்துள்ளது.

ஓடியோ மற்றும் காணொளி வசதி உள்ளிட்ட வசதிகளும் இதில் இடம் பெற்றுள்ளன. இந்த செயலி விரைவில் ஆண்ட்ராய்டுகளுக்கும் அறிமுகமாகும் என்று எதிர்பார்க்கப்படுகிறது.

குறுஞ்செய்தி அனுப்பும் சமூக வலைத்தளங்களில் பெரும் ஆதிக்கம் செலுத்தி வரும் வட்ஸ்அப்புக்கு கடும் சவாலாக இந்த செயலி இருக்கும் என எதிர்பார்க்கப்படுகின்றது.