யாழில் பெண் உட்பட நால்வர் போதைப்பொருளுடன் கைது..!
[2025-12-27 21:28:57] Views:[12]
யாழ்ப்பாணத்தில் நீண்டகாலமாக போதைப்பொருள் வியாபாரத்தில் ஈடுபட்டுவந்த பெண் ஒருவர் உட்பட நால்வர் பொலிஸாரால் இன்று (27) கைது செய்யப்பட்டனர்.
பெண் ஒருவர் ஐஸ் போதைப்பொருளுடனும், இரண்டு பேர் போதை மாத்திரைகளுடனும் மேலும் ஒருவர் மாவா போதைப் பொருளுடனும் கைது செய்யப்பட்டதாக யாழ்ப்பாணம் பொலிஸார் தெரிவித்தனர்.
கைது செய்யப்பட்டவர்களிடம் விசாரணை முன்னெடுக்கப்பட்டு வரும் நிலையில், விசாரணைகளின் பின்னர் அவர்களை யாழ்ப்பாணம் நீதிவான் நீதிமன்றத்தில் முற்படுத்த பொலிஸார் நடவடிக்கை எடுத்துள்ளனர்.
