அதிரடியாக அதிகரிக்கும் தங்க விலை..!

[2025-12-27 21:10:02] Views:[27]

உலகச் சந்தையில் தங்கத்தின் விலை அதிகரித்துவரும் நிலையில், அதற்கு நிகராக இலங்கையிலும் தங்கத்தின் விலை அதிரடியாக அதிகரித்து உச்சத்தை தொட்டுள்ளது.

இன்று (27) நிலவரப்படி, உலகச் சந்தையில் ஒரு அவுன்ஸ் தங்கத்தின் விலை 4,553 அமெரிக்க டொலர்கள் வரை அதிகரித்துள்ளது.

இதன் அடிப்படையில், இலங்கையில் இன்று (27) மாத்திரம் இரண்டாவது தடவையாகவும் தங்கத்தின் விலை உயர்ந்துள்ளது

அதன்படி இன்றைய தினம் மாத்திரம் 12,000 ரூபாவினால் தங்க விலை அதிகரித்துள்ளது.

கொழும்பு செட்டியார் தெருவில் நேற்றைய தினம் 329,300 ரூபாவாக காணப்பட்ட 22 கரட் ஒரு பவுன் தங்கத்தின் விலை இன்றைய விற்பனை நிலவரப்படி 340,400 ரூபாவாக அதிகரித்துள்ளது.

அதேநேரம், 24 கரட் ஒரு பவுன் தங்கத்தின் விலை 368,000 ரூபாவாக உயர்ந்துள்ளது. இது நேற்றைய தினம் 356,000 ரூபாவாக காணப்பட்டமை குறிப்பிடத்தக்கது.