கடையடைப்பிற்கு கடுமையான எதிர்ப்பை தெரிவித்த வர்த்தகர்கள்

[2025-08-18 05:50:58] Views:[19]

தமிழரசுக்கட்சியினால் வடக்கு கிழக்கில் முன்னெடுக்கப்படவுள்ள கடையடைப்பிற்கு யாழ்ப்பாணவர்த்தகர்கள் கடுமையான எதிர்ப்பை வெளியிட்டுள்ளதாக தெரிய வருகிறது.


குறித்த கடையடைப்பிற்கு ஆதரவினை கோரும் வகையில் நேற்று முன்தினம் யாழ்ப்பாணம் வர்த்தக சங்கத்தினருக்கும் யாழ்ப்பாணம் மாநகர முதல்வருக்கும் இடையிலான சந்திப்பு ஒன்று நடைபெற்றது.


இதன்போது திங்கட்கிழமை (18) வடக்கு - கிழக்கில் முன்னெடுக்கப்படவுள்ள கடையடைப்பிற்கு அனைவரும் பூரண ஒத்துழைப்பு வழங்க வேண்டும் என யாழ்ப்பாணம் மாநகர மேயர் கேட்டுக்கொண்டுள்ளார்.


இந்த நிலையில் இதற்கு எதிர்ப்பு தெரிவித்து யாழ் வர்த்தகர்கள் கடுமையான வாக்குவாதத்தில் ஈடுபட்டதுடன் சில விடயங்களை சுட்டிக்காட்டி கேள்வியெழுப்பியதாகவும் கடையடைப்பு என்ற விடயத்தை நீங்கள் அறிவித்துள்ளீர்கள் ஆனால் இதில் முழுக்க முழுக்க சம்மந்தப்பட்டிருப்பது வர்த்தக சங்கம் தான் எனவே வர்த்தக சங்கங்களுடன் கதைத்து முடிவெடுத்த பிறகு அறிவித்திருக்க வேண்டும் நீங்கள் முடிவெடுத்து விட்டு அறிவிக்க முடியாது என குறிப்பிட்டதாகவும் இந்த பருவத்தில் கடைகளை பூட்டினால் வர்த்தகர்கள் பாதிக்கப்படுவார்கள் எனவும் சுட்டிக்காட்டியமை குறிப்பிடத்தக்கது.