யாழில் இளம் நாடாளுமன்ற வேட்பாளர் உயிரிழப்பு !
[2024-10-24 07:01:25] Views:[14]
நடைபெறவுள்ள நாடாளுமன்ற தேர்தலில் யாழ். தேர்தல் மாவட்டத்தில் போட்டியிடும் இளம் வேட்பாளர் ஒருவர் திடீர் சுகவீனம் காரணமாக உயிரிழந்துள்ளார்.
முன்னாள் நாடாளுமன்ற உறுப்பினர் அங்கஜன் இராமநாதன் தலைமையிலான ஜனநாயக தேசியக் கூட்டணியில் போட்டியிடும் செந்திவேல் தமிழினியன் (33 ) என்ற வேட்பாளரே இவ்வாறு உயிரிழந்துள்ளார்.
உடுப்பிட்டி பகுதியை சேர்ந்த இவர் வல்வெட்டித்துறை நகரசபை முன்னாள் உறுப்பினர் என தெரிவிக்கப்படுகிறது.
திடீர் சுகவீனம் காரணமாக யாழ். போதனா வைத்தியசாலையில் அனுமதிக்கப்பட்ட நிலையில் சிகிச்சை பலனின்றி நேற்று (23) உயிரிழந்துள்ளார்.
குறித்த வேட்பாளரின் மறைவிற்கு நாடாளுமன்ற முன்னாள் உறுப்பினர் அங்கஜன் இராமநாதன் தனது இரங்கலை தெரிவித்துள்ளார்.
