அரச வாகன துஷ்பிரயோகம் குறித்து அறிவிக்க விசேட தொலைபேசி இலக்கம்.!

[2024-10-12 10:09:28] Views:[11]

அரச வாகனங்களை துஷ்பிரயோகம் செய்வது தொடர்பில் தகவல் தெரிந்தால் இலங்கை பொலிஸ் திணைக்களத்தின் 1997 என்ற விசேட தொலைபேசி இலக்கத்திற்கு அறிவிக்குமாறு பொலிஸார் பொதுமக்களிடம் கோரிக்கை விடுத்துள்ளனர்.

அரசால் பல்வேறு நோக்கங்களுக்காக வழங்கப்பட்ட வாகனங்கள் மோசடியாகவோ அல்லது சட்டவிரோதமாகவோ ஏதேனும் இடத்தில் மறைத்து வைக்கப்பட்டு அல்லது பிரித்து மறைத்து வைக்கப்பட்டிருந்தால். அல்லது ஏதேனும் இடங்களில் நிறுத்தி பாழடை வைத்திருந்தால் அது தொடர்பிலான தகவல்களை உடனடியாக தெரிவிக்கும்படி பொலிஸார் அறிவித்துள்ளனர்.

1997 என்ற தொலைபேசி இலக்கம் 24 மணி நேரமும் செயலில் இருக்கும் எனவும், தகவல் வழங்குபவர்களின் அடையாளம் முழுமையாகப் பாதுகாக்கப்படும் எனவும், தகவல் கொடுப்பவர்களின் அடையாளத்தை வெளியிட வேண்டிய அவசியமில்லை எனவும் தெரிவிக்கப்பட்டுள்ளது.

மேலும், உண்மைத் தகவல்களை மட்டுமே வழங்குமாறும், தவறான தகவல்களைத் வழங்குபவர்கள் மீது சட்ட நடவடிக்கை எடுக்கப்படும் என்றும் பொலிஸார் தெரிவித்துள்ளனர்.