புலமைப்பரிசில் பரீட்சை வினாத்தாள் கசிவு: அதிபர் ஒருவர் உட்பட ஆறு பேர் கைது.!
[2024-09-18 12:53:17] Views:[10]
ஐந்தாம் தர புலமைப்பரிசில் பரீட்சையின் முதல் வினாத்தாளை கையடக்கத் தொலைபேசி மூலம் பகிர்ந்ததாக கூறப்படும் பரீட்சை நிலையம் ஒன்றில் கடமையாற்றிய அதிபர் ஒருவர் உட்பட 6 ஆசிரியர்கள் பரீட்சை திணைக்கள அதிகாரிகளால் கைது செய்யப்பட்டுள்ளனர்.
2024 ஆம் ஆண்டிற்கான தரம் 5 புலமைப்பரிசில் பரீட்சை கடந்த ஞாயிற்றுக்கிழமை (15) நாடு முழுவதும் 2,849 பரீட்சை நிலையங்களில் நடைபெற்றது.
விசாரணைகளின்படி, தேர்வு தொடங்குவதற்கு பத்து நிமிடங்களுக்கு முன்னர் முதல் வினாத்தாளின் புகைப்படங்களை தனிநபர்கள் பகிர்ந்துள்ளதாகக் கூறப்படுகிறது.
அதன்படி, வினாத்தாள் படங்களைப் பகிர்ந்ததாகக் கூறி உதவிக் கண்காணிப்பாளர் மற்றும் 6 ஆசிரியர்கள் அவர்களது மொபைல் போன்களுடன் கைது செய்யப்பட்டனர்.
கைது செய்யப்பட்ட அதிபர், ஆசிரியர்கள் அனுராதபுரம், நொச்சியாகமவில் அமைந்துள்ள அரச பாடசாலைகளைச் சேர்ந்தவர்கள் எனவும், வினாத்தாள் பிரதிகள் அனுராதபுரம், நொச்சியாகம, கொழும்பு உள்ளிட்ட பல பகுதிகளுக்கு அனுப்பப்பட்டுள்ளதாகவும் விசாரணைகளில் தெரியவந்துள்ளது.
புலமைப்பரிசில் பரீட்சை வினாத்தாளை கைத்தொலைபேசி மூலம் பிரதியெடுத்த சம்பவத்தை இலங்கை ஆசிரியர் சங்கத்தின் தலைவர் பிரியந்த பெர்னாண்டோ உறுதிப்படுத்தியுள்ளார்.
மேலும், தேர்வு மீதான நம்பிக்கை உடைக்கப்பட்டுள்ளது. அதிகாரிகள் சட்டத்தை கடுமையாக அமுல்படுத்த வேண்டும். வினாத்தாள் வெளியானதற்கு காரணமான அனைவருக்கும் கடுமையான தண்டனை வழங்க வேண்டும் என்று அவர் கூறியுள்ளார்.
