பல்கலைக்கழக ஊழியர்கள் மற்றும் மாணவர்களுக்கு வாக்களிப்பதற்கு விசேட விடுமுறை.!
[2024-09-18 11:42:59] Views:[10]
ஜனாதிபதி தேர்தலில் வாக்களிப்பதற்காக அரச மற்றும் தனியர் பல்கலைக்கழக ஊழியர்கள் மற்றும் மாணவ, மாணவிகளுக்கு விசேட விடுமுறை வழங்குவது தொடர்பான அறிக்கையொன்றை தேர்தல் ஆணைக்குழு வெளியிட்டுள்ளது.
ஜனாதிபதி தேர்தல் வாக்கெடுப்பின் போது அரச பல்கலைக்கழக ஊழியர்கள் மற்றும் மாணவ, மாணவிகள் வாக்களிப்பதை இலகுபடுத்தும் வகையில் அவர்களுக்கு விடுமுறை வழங்கும்படி பல்கலைக்கழக மானியங்கள் ஆணைக்குழுவின் தவிசாளர் அனைத்து அரச பல்கலைக்கழகங்களின் தலைவர்களுக்கும் தெரிவித்துள்ளார்.
மேலும், தனியார் பல்கலைக்கழகங்கள் மற்றும் உயர்கல்வி நிறுவகங்கள் தமது ஊழியர்கள் மற்றும் மாணவ, மாணவிகள் வாக்களிப்பதை இலகுபடுத்தும் வகையில் இவ்வாறு விடுமுறை வழங்கும்படி அறிவுறுத்தப்பட்டுள்ளதாக தெரிவிக்கப்பட்டுகிறது.
