நீர் கட்டணம் குறைப்பது தொடர்பான வர்த்தமானி அறிவித்தல்

[2024-08-23 09:38:38] Views:[9]

ஓகஸ்ட் 21ஆம் திகதி முதல் அமுலாகும் வகையில் நீர்க்கட்டணத்தை குறைத்து குறித்த வர்த்தமானி வெளியாகியுள்ளது.

இதன்படி, மொத்த நீர் கட்டணத்த்தில் 5.94%ஐ குறைக்க அமைச்சரவை ஒப்புதல் அளித்துள்ளது.

இதன்படி, வீட்டு உபயோகத்திற்கான நீர்க் கட்டணம் 7%, அரச வைத்தியசாலைகளுக்கான நீர்க் கட்டணம் 4.5%, பாடசாலைகள் மற்றும் மதஸ்தலங்களுக்கான நீர்க் கட்டணம் 6.3% ஆல் குறைக்கப்பட்டுள்ளதாகத் தெரிவிக்கப்படுகின்றது.

வீட்டு பிரிவில் 0 முதல் 05 அலகுகளுக்கான கட்டணம் 10/= ரூபாவால் குறைக்கப்பட்டுள்ளது.

76 முதல் 100 அலகுகளுக்கு இடைப்பட்ட அலகுக்கு அறவிடப்படும் கட்டணம் 20/= ரூபாவால் குறைக்கப்பட்டுள்ளது..

அரச மற்றும் அரச உதவி பெறும் பாடசாலைகள் மற்றும் அரசு அங்கீகரிக்கப்பட்ட தொண்டு நிறுவனங்கள் மற்றும் அரசு மருத்துவமனைகள் பிரிவின் கீழ் உள்ள அனைத்து பிரிவுகளுக்கும் 60/= ரூபாவாக இருந்த கட்டணம் 5/= ரூபாவால் குறைக்கப்பட்டுள்ள நிலையில் அதன் புதிய கட்டணம் 55/= ரூபாவாகும்,.

இதேவேளை, அரச வைத்தியசாலைகளுக்கு 100/= ரூபாவாக இருந்த ஒரு அலகு நீர் 05/= ரூபாவினால் குறைக்கப்பட்டுள்ள நிலையில், அதன் புதிய கட்டணம் 95/= ரூபாவாகும்.