ஆள்மாறாட்டம் செய்து கனடா செல்ல முயன்ற யாழ் இளைஞன் கட்டுநாயக்க விமான நிலையத்தில் கைது..!

[2024-06-06 10:16:06] Views:[21]

வேறு ஒருவருக்குச் சொந்தமான கடவுச்சீட்டைப் பயன்படுத்தி கனடாவுக்கு செல்வதற்காக கட்டுநாயக்க விமான நிலையத்திற்கு வந்த யாழ். இளைஞன் ஒருவரை குடிவரவு குடி அகழ்வு திணைக்களம் அதிகாரிகள் கைது செய்துள்ளது.

இச்சம்பவத்தில் யாழ்ப்பாண பகுதியைச் சேர்ந்த 34 வயதுடைய இளைஞனே இவ்வாறு கைது செய்யபப்பட்டுள்ளார்.

விமான அனுமதியை முடித்துவிட்டு குடிவரவு நிலையத்திற்கு வந்து அங்கு பணிபுரியும் குடிவரவு அதிகாரியிடம் கடவுச்சீட்டை வழங்கியுள்ளார்.

கடவுச்சீட்டில் உள்ள புகைப்படத்திற்கும் அவரது புகைப்படத்திற்கும் வித்தியாசம் காணப்பட்டதால், கடவுச்சீட்டைப் பற்றிய மேலதிக தகவல்களைக் கண்டறியும் வகையில், குடிவரவுத் திணைக்களத்தின் கணினி அமைப்பில் கடவுச்சீட்டில் குறிப்பிடப்பட்டுள்ள தகவல்கள் உள்ளிடப்பட்டுள்ளன.

இதையடுத்து இந்த கடவுச்சீட்டை வைத்திருப்பவர் நாட்டை விட்டு வெளியேற திருகோணமலை நீதிமன்றம் தடை விதித்துள்ளமை தெரியவந்துள்ளது.

இதன்பின் இந்த இளைஞனின் சூட்கேஸில் அவரது உண்மையான தேசிய அடையாள அட்டை கண்டுபிடிக்கப்பட்டதுடன் அதன் பிறகு அவர் குடிவரவு அதிகாரிகள் மேற்கொண்ட விசாரணையின் போது குறித்த இளைஞன் அனைத்து உண்மைகளையும் கூறியுள்ளார்.

மேலும் கனடா சென்ற பின்னர் அனுராதபுரத்தில் உள்ள தரகர் ஒருவர் தனக்கு ஒரு கோடியே 30 இலட்சம் ரூபாவை தரவேண்டுமென உறுதியளித்து, கனடாவில் செல்லுபடியாகும் விசா உள்ள இந்த கடவுச்சீட்டை கொடுத்ததாகவும் இளைஞன் தெரிவித்துள்ளமை குறிப்பிடத்தக்கது.