CSK மற்றும் RCB அணிகளுக்கிடையில் வாழ்வா சாவா போட்டி இன்று...!!!

[2024-05-18 10:36:31] Views:[14]

IPL போட்டிகள் இறுதிகட்டத்தை எட்டியுள்ள நிலையில், 5 அணிகள் பிளே ஓப் சுற்றிற்கு தகுதிபெறாமல் வெளியேறிவிட்டன. மேலும், பிளே ஓப் சுற்றிற்காக KKR மற்றும் RR அணிகள் ஏற்கனவே தகுதிப்பெற்றுள்ளன.

இந்நிலையில், மிகுதி இரண்டு இடங்களுக்கு எந்த அணி தகுதிப்பெறும் என தெரியாத நிலையில், முதல் 8 போட்டிகளில் ஒரு வெற்றியைப் பெற்ற RCB அணி அடுத்த 5 போட்டிகளிலும் அபார வெற்றிகளை பெற்றுள்ளது.

CSK அணி முதல் 13 போட்டிகளில் 7 வெற்றிகள் பெற்று +0.528 நிகர ஓட்டவிகிதத்துடன் உள்ளது.

RCB அணி 13 போட்டிகளில் 6 வெற்றிகள் பெற்று +0.387 நிகர ஓட்டவிகிதத்துடன் புள்ளிப் பட்டியலில் 5ஆவது இடத்தில் உள்ளது.

CSK மற்றும் RCB அணிகளுக்கிடையிலான இறுதிப்போட்டி பிளே ஆப் சுற்றின் 4 ஆவது இடத்தை உறுதி செய்யும் வகையில் உள்ளது. இந்நிலையில், CSK அணிக்கு எதிரான கடைசி போட்டியில், RCB அணி 18 ஓட்டங்கள் வித்தியாசத்தில் வென்றாலோ அல்லது 18.1 ஓவர்களில் இலக்கை எட்டி வெற்றியைப் பெற்றாலோ, CSKவை 5ஆவது இடத்திற்கு தள்ளி, RCB அணி 4ஆவது இடத்தை பிடித்து, பிளே ஆப் சுற்றுக்கு முன்னேறும், எனவே இது CSK அணிக்கு பெரும் பிரச்சினையாக மாறியுள்ளது.

CSK, RCB அணிகளுக்கிடையிலான போட்டியில் வெல்லும் அணியே 4ஆவது இடத்தை பிடிக்கும். எனவே சிஎஸ்கே மற்றும் ஆர்சிபி அணிகளுக்கிடையில் வாழ்வா சாவா போட்டி இன்று சின்னசுவாமி மைதானத்தில் நடைபெற உள்ளது.