எரிபொருள் விலையில் ஏற்பட்டுள்ள மாற்றம்.

[2024-04-01 11:00:26] Views:[10]

நேற்று (31) முதல் நடைமுறைக்கு வரும் வகையில் எரிபொருளின் விலையை இலங்கை பெட்ரோலிய கூட்டுத்தாபனம் திருத்தியுள்ளது. அதனடிபடையில், 95 ஒக்டேன் பெட்ரோல் லீற்றர் ஒன்றின் விலையை 07 ரூபாவினால் குறைந்து புதிய விலை 440 ரூபாய் ஆகும். அத்துடன், லங்கா சுப்பர் டீசல் லீற்றர் ஒன்றின் விலை 72 ரூபாவினால் குறைந்துள்ளதுடன், அதன் புதிய விலை 386 ரூபாவாகும்.அதேவேளை, மண்ணெண்ணெய் விலை லிட்டருக்கு 12 ரூபாவினால் குறைந்துள்ளதுடன் அதன் புதிய விலை 245 ரூபாவாகும். எனினும் 92 ஒக்டேன் பெட்ரோல் மற்றும் ஆட்டோ டீசல் விலையில் மாற்றம் ஏற்படவில்லை என தெரிவிக்கப்படுகிறது.

அத்தோடு, நாட்டின் பொருளாதார நிலை மற்றும் எதிர்வரும் பண்டிகை காலத்தை கவனத்திற் கொண்டு எதிர்வரும் ஏப்ரல் மாதம் எரிபொருள் விலையை குறைக்க அரசாங்கம் தீர்மானித்துள்ளதாக தெரியவந்துள்ளதுடன். அதேவேளை, எதிர்வரும் ஜூன் மாதத்தில் மக்களுக்கு பல நிவாரணங்களை வழங்க அரசாங்கம் திட்டமிடப்பட்டுள்ளதாகவும் கூறப்படுகிறதுஅதன் அடிப்படையில்,வரி குறைப்பு,மின் கட்டணம்,குடிநீர் கட்டணம் ஆகியவற்றில் சில சலுகைகள் வழங்கப்பட உள்ளதாக அதிபர் ரணில் விக்ரமசிங்க ஏற்கனவே தெரிவித்திருந்தமை குறிப்பிடத்தக்கது.